Гарәпчә-татарча-русча алынмалар сүзлеге
Гарәп-фарсы алынмаларының белешмә сүзлеге киң катлау укучылар массасына, укытучыларга, студентларга, тәрҗемәчеләргә, әдәбият һәм матбугат өлкәсендә эшләүчеләргә, фән эшчеләренә югарыда әйтелгән читенлектән чыгуга ярдәм итүне күздә тотып төзелде. Файдаланучылар арасында рус телен татар теленә караганда яхшырак белүчеләр булуны искә алып һәм иске әдәбиятны русчага тәрҗемә итүчеләрнең хезмәтен җиңеләйтү максаты белән, сүзләрнең тәрҗемәсе татар һәм рус телләрендә бирелде.
